,,დავითიანნის" ოფისში სერგი კაპანაძესთან შეხვედრა გაიმართა პროექტ ,,დიალოგი მომავალ თაობასთან" ფარგლებში.
შეხვედრის მთავარი თემა ,,საქართველოს ისტორიული საგარეო ურთიერთობები და დღევანდელობა" იყო.
სერგი კაპანაძე სხვადასხვა საკითხთან ერთად საქართველოსა და რუსეთის ურთიერთობებს შეეხო: ,,დღევანდელი ხელისუფლება არ ცდილობს, იყოს დამოუკიდებელი, წინა ხელისუფლებისაგან განსხვავებით უფრო მეტად არის დამოკიდებული რუსეთზე, მაგალითად: ენერგეტიკულად რუსეთზე გაიზარდა დამოკიდებულება, რაც არ არის კარგი საქართველოს მომავლისათვის" - აღნიშნა სერგი კაპანაძემ.
შეხვედრა კითხვა-პასუხის რეჟიმში გაგრძელდა, სადაც სერგი კაპანაძემ პასუხი გასცა აუდიტორიისათვის საინტერესო შეკითხვებს.
შეგახსენებთ, მოძრაობა ,,დავითიანნი"-ს ოფისში, ყოველ სამშაბათს, იმართება შეხვედრა პროექტ ,, დიალოგი მომავალ თაობასთან" ფარგლებში. პროექტის ორგანიზატორების თქმით, მსგავსი შეხვედრა ისევ გაგრძელდება, რადგან დიდ ინტერესს იწვევს ახალგაზრდა თაობაში.
