მოძრაობა ,,დავითიანნი"-ს ოფისში პროექტ ,,შეხვედრა ბიზნესსფეროს წარმომადგენლებთან" ფარგლებში გაიმართა საჯარო ლექცია/შეხვედრა თემაზე - როგორ გავზარდოთ ჩვენი შემოსავალი ინტერნეტით.
შეხვედრას "წარმატების აკადემია MK"-ის თანადამფუძნებელი და დირექტორი მაია ხავთასი გაუძღვა.
შეხვედრაზე მაია ხავთასმა ისაუბრა აუდიტორიისათვის მნიშვნელოვან და საინტერესო თემებზე. მათ შორის ახალ პროექტებზე, რომელთა განხორციელებაც იგეგმება: ,,ჩვენი ფირმა მართავს ტრენინგებს თანადაფინანსებით, უახლოეს მომავალში ვგეგმავთ პროექტს ,,როგორ ვიპოვოთ ჩვენი მოწოდება", რომლის მიზანია, დავეხმაროთ ახალგაზრდებს საკუთარი მოწოდების პოვნაში. ჩვენი კომპანია პირველია, რომელიც მსგავს პროექტებს აფინანსებს" - აღნიშნა მაია ხავთასმა.
ლექციის მიმდინარეობისას მომხსენებელმა აუდიტორიას ჩაუტარა ტრენინგი, თუ როგორ უნდა შევძლოთ ინტერნეტის დახმარებით გავყიდოთ ჩვენთვის სასურველი პროდუქცია და გავზარდოთ ჩვენი შემოსავლი.
ლექცია კითხვა-პასუხის რეჟიმში გაგრძელდა. მაია ხავთასმა აუდიტორიისათვის საინტერესო და მნიშვნელოვან კითხვებს უპასუხა.
პროექტის ორგანიზატორების თქმით, მსგავსი შეხვედრა გაგრძელდება, რაც საშუალებას მისცემს ახალგაზრდებს, მათთვის საინტერესო თემებზე გაიფართოვონ თვალსაწიერი.