ICOM-ის საქართველოს ეროვნული კომიტეტის პრეზიდენტმა ინგა ქარაიამ სემინარის მნიშნელობაზე ისაუბრა. მისი თქმით, ეს შეხვედრა კულტურული მემკვიდრეობის დაცვას მეტ სიახლეს შესძენს.

შეხვედრისას ზეინეფ აჰუნბეიმ ისაუბრა აია-სოფიას ისტორიაზე. მისი თქმით, ძეგლი თავისი დიზაინითა და არქიტექტურითაა გამორჩეული.

„აია-სოფიას რესტავრაცია სწორედ ახლა მიმდინარეობს. გადავწყვიტეთ, თურქეთიდან ჩამოგვეყვანა რესტავრატორი და გაგვეგო, თუ რა მეთოდებითა და მასალებით მუშაობენ ისინი და რას აკეთებენ კულტურული მემკვიდრეობის გადასარჩენად. აია-სოფია ერთ-ერთი უმნიშვნელოვანესი ძეგლია და მასზე მუშაობენ საუკეთესო სპეციალისტები. მნიშვნელოვანია, რომ ამ შენობის რესტავრატორი ქართველ კოლეგებს გაუზიარებს გამოცდილებას“ - განაცხადა ერთ-ერთმა ორგანიზატრორმა ირინა დუდაურმა.