დღეს "ვისოლ ჯგუფის" სტუდენტების დასაქმების ფორუმი გაიმართა საქართველოს ეროვნულ ბიბლიოთეკაში.
სტუდენტებს საშულება მიეცათ, მოესმინათ კომპანიის წამყვანი სპეციალისტების ლექციები და შეუძლიათ, დასაქმდნენ შვილობილ კომპანიებში: "ვისოლ პეტროლიუმ ჯორჯიაში", "სმარტში", "ვენდიში", "ვიანორში".
პრეზენტაცია კომპანიის პრეზიდენტმა, ვიცე პრეზიდენტმა და გენერალურმა დირექტორმა გახსნეს. კომპანიის დამაარსებლის სოსო ფხაკაძის თქმით, დაახლოებით 2000 სტუდენტია დარეგიტრირებული და მას სჯერა, რომ მათთან ერთად შექმნიან უკეთეს მომავალს. სამომავლო გეგმებზე კომპანიის ადამიანური რესურსების მართვის სამსახურის დირექტორმა რუსუდან სანიკიძემ განაცხადა, რომ კომპანია გეგმავს რამდენიმე შვილობილი ობიექტის გახსნას სუპერმარკეტებისა და რესტორნების ქსელების მიმართულებით.
